“Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” Naxçıvan Muxtar Respublikası Ali Məclisi Sədrinin Sərəncamının icrası istiqamətində Universitetlərlə birgə hazırlanmış 2021-2022-ci tədris ili üçün tədbirlər planına uyğun olaraq noyabırın 16-da Naxçıvan Dövlət Universitetinin “İqtisadiyyat” ixtisasında təhsil alan tələbələr “Gəmiqaya Plastmas Kapsul və Qapaq” MMC-də istehsal prosesi ilə tanış olublar.

Tanışlıq zamanı tələbələrə mütəxəssislər tərəfindən müəssisənin yaranma tarixi, keçdiyi inkişaf yolu, o cümlədən müəssisədə gedən ümumi iş prosesinin mahiyyəti izah olunub, xammaldan hazır məhsul buraxılışınadək bütün istehsal mərhələləri haqqında ətraflı məlumat verilib. 

Sonda tələbələrin istehsal prosesi ilə bağlı sualları cavablandırılıb.

Naxçıvan Muxtar Respublikası

İqtisadiyyat Nazirliyinin mətbuat xidməti