Bakıda yerli şirkətlərin məhsullarından ibarət sərgi keçirilir
View the embedded image gallery online at:
http://oldin.nakhchivan.az/m%C9%99tbuat-xidm%C9%99ti/xeberler/1138-bak%C4%B1da-yerli-%C5%9Firk%C9%99tl%C9%99rin-m%C9%99hsullar%C4%B1ndan-ibar%C9%99t-s%C9%99rgi-ke%C3%A7irilir.html#sigProId8e8fbde864
Bu gün Bakı şəhərində yerli məhsulların və xidmətlərin tanıdılması məqsədi ilə “Partners and Business Baku 2022”sərgisi öz işinə başlayıb. Kiçik və Orta Biznesin İnkişafı Agentliyi (KOBİA), Azərbaycan Sahibkarlar Konfederasiyası (ASK), Dövlət Məşğulluq Agentliyi və "Marsol" MMC-nin birgə təşkilatçılığı ilə keçirilən sərgidə sənaye, kənd təsərrüfatı, qida, İKT, təhsil, inşaat, logistika və digər sahələrdə fəaliyyət göstərən yerli şirkətlər tərəfindən xidmətlər, idxal, ixrac və istehsal olunan məhsullar nümayiş olunur.
http://oldin.nakhchivan.az/m%C9%99tbuat-xidm%C9%99ti/xeberler/1138-bak%C4%B1da-yerli-%C5%9Firk%C9%99tl%C9%99rin-m%C9%99hsullar%C4%B1ndan-ibar%C9%99t-s%C9%99rgi-ke%C3%A7irilir.html#sigProId8e8fbde864
Sərgidə muxtar respublikada fəaliyyət göstərən “Nəqşicahan İnşaat”, “AzElektrod” Məhdud Məsuliyyətli Cəmiyyətləri, Babək “Sirab” ASC, “Savalan-S” kiçik müəssisəsi, “Müasir Məkan” ət və ət məhsulları müəssisəsi iştirak edir. İştirakçı müəssisələr tərəfindən müxtəlif çeşidlərdə aromatlaşdırılmış içkilər, mineral sular, konservləşdirilmiş ət məhsulları, tikinti materialları sərgilənir.
200-ə yaxın şirkətin iştirak etdiyi sərginin missiyası Azərbaycan şirkətlərinin daha geniş auditoriyaya tanıdılması, bazarlara çıxış imkanlarının genişləndirilməsi, yerli şirkətlər arasında biznes tərəfdaşlığının inkişaf etdirilməsi və yeni əməkdaşlıqların qurulmasıdır.
Naxçıvan Muxtar Respublikası
İqtisadiyyat Nazirliyinin mətbuat xidməti