Şərqin ən qədim və zəngin mədəni mərkəzlərindən biri olan Naxçıvan diyarında digər sahələrlə yanaşı, incəsənət də böyük tarixi inkişaf yolu keçib. Dekorativ-tətbiqi sənətin növlərindən biri olan xalçaçılıq da bu sırada öz yerini alıb. Naxçıvan xalçaları nəinki Azərbaycanda, bütün dünyada öz dəstxəti, süjetli kompozisiyası, ornamentləri, naxışları, bir sözlə, özünəməxsus spesifik xüsusiyyətləri ilə fərqlənir. Naxçıvanda qədim ənənələrə malik xalçaçılıq sənəti dövlətimizin diqqət və qayğısı sayəsində bu gün də yaşadılır, geniş şəkildə təbliğ edilir.

"Naxçıvan Biznes Mərkəzi" Məhdud Məsuliyyətli Cəmiyyətinin nəznində fəaliyyət göstərən Xalq Yaradıcılığı Emalatxanasında unudulmaqda olan  xalça çeşnələrinin  gələcək nəsillərə ötürülməsi və təbliği istiqamətində mütəmadi tədbirlər həyata keçirilir.

 Naxçıvan Muxtar Respublikası

 İqtisadiyyat Nazirliyinin mətbuat xidməti