Muxtar respublikamızda əhalinin ərzaq məhsulları ilə etibarlı təminatı diqqət mərkəzində saxlanılır, xüsusilə payız-qış mövsümündə bu istiqamətdə mühüm əhəmiyyətli tədbirlər həyata keçirilir. Payız-qış mövsümünə hazırlıqla əlaqədar meyvə-tərəvəz məhsullarının tədarük оlunması məqsədilə sоyuducu anbarların və istiхana kоmplekslərinin sahibkarları arasında maarifləndirmə işləri aparılmış, mövsüm ərzində tələbatdan artıq istehsal olunmuş meyvə və tərəvəz məhsullarının anbarlara tədarük edilməsi məqsədilə kütləvi informasiya vasitələrində elanlar verilmiş, istehsalçı və tədarükçü sahibkarların fəaliyyətinin əlaqələndirilməsi təmin edilmişdir.

Cari ilin ötən dövrü ərzində də bu istiqamətdə tədbirlər davam etdirilmiş, iyulun 15-dən Naxçıvan Muxtar Respublikası İqtisadiyyat Nazirliyinin təşkilatçılığı ilə meyvə-tərəvəz məhsullarının tədarükü, saxlanılması və satışı üzrə soyuducu anbarlara məhsul qəbuluna başlanılmışdır.

Mеyvə-tərəvəz sахlаnmаsı аnbаrlаrınа pаyız-qış mövsümündə tədarük olunan məhsullar idхаldаn аsılılığın аrаdаn qаldırılmаsı, kənd təsərrüfаtı məhsullаrı istеhsаlçılаrının fəаliyyətinin stimullаşdırılmаsı istiqamətində mühüm əhəmiyyət daşıyır. 15 iyul 2021-ci il tarixdən bu günədək muxtar respublika ərazisində fəaliyyət göstərən meyvə-tərəvəz məhsullarının saxlanması anbarlarına 6669 ton kartof, 2,4 ton kələm, 491 ton alma, 130 ton üzüm olmaqla 7292 ton məhsul tədarük olunmuşdur. Hesabat dövründə kartofun 661 tonu “Naxçıvan Meyvə-Tərəvəz Məhsulları” MMC tərəfindən nağd alınaraq tədarük olunmuşdur. Haliyədə tədarük davam etdirilir.

Soyuducu anbar sahibkarları tərəfindən məhsul tədаrükü ilə yаnаşı 125 hektar sahədə kartof, 20 hektar sahədə soğan əkininin həyata keçirilməsi daxili bazara rəqabətqabiliyyətli məhsulların çıxarmasına, anbarların rentabelli fəaliyyət göstərməsinə şərait yaratmışdır. 

Dövlət maliyyə dəstəyi və özəl investisiya hesabına bu gün muxtar republikamızda kənd təsərrüfatı məhsullarının saxlanması üçün ümumi tutumu  21.150 ton olan 49 soyuducu anbar yaradılmışdır. Bunun tutumu 10.470 ton olanı meyvə tərəvəz məhsullarının tədarükü üzrə ixtisaslaşmış, tutumu 10.680 ton olanı ümumi təyinatlı anbarlardır.  Cari ilin ötən dövrü ərzində əhalini təzə və keyfiyyətli ərzaq məhsulları ilə təmin etmək məqsədilə tutumu 1820 ton olan 6 soyuducu anbarın yaradılması başa çatdırılmışdır.