7-9 noyabr 2021-ci il tarixlərdə Almaniyanın Koelnmesse GmbH şirkəti və Dubay Dünya Ticarət Mərkəzinin birgə təşkilatçılığı ilə “Yummex Middle East-2021” Beynəlxalq Şirniyyat, Qəlyanaltı və Konfet Sərgisi keçirilmişdir. Orta Şərq və Şimalı Afrikanın ən böyük şirniyyat sərgisində dünyanın 50-dən çox ölkəsinin 250-dən çox şirkətinin şokolad və şokolad məhsulları, şəkərli şirniyyatlar, vaflilər, təbii və trend qəlyanaltılar, dondurmalar və dondurulmuş şirniyyatlar və digər məhsulları nümayiş olunmuşdur. Sərgini 111 ölkədən 10 mindən çox nümayəndə ziyarət etmişdir.

Tədbirdə “Ləzzət Qida Sənaye” MMC də iştirak etmişdir. Şirkət tərəfindən istehsal olunan müxtəlif çeşidlərdə vafli, peçenyə, maşmelo (bakuş), lokumlar, paketlənmiş fısdıq, fındıq, badam və digər məhsullar nümayiş olunmuşdur.

Tədbir çərçivəsində “Ləzzət Qida Sənaye” MMC ilə İran, İraq, Səudiyyə Ərəbistanı, Yəmən, BƏƏ, Rusiya, İsrail və digər ölkələrdən potensial alıcılar və xammal təchizatçıları ilə görüşlər keçirilmişdir. Danışıqların nəticəsi olaraq Liviya dövlətində fəaliyyət göstərən şirkət tərəfindən vafli məmulatlarına dair sifariş alınmışdır.

Naxçıvan Muxtar Respublikası

İqtisadiyyat Nazirliyinin mətbuat xidməti