Naxçıvan Muxtar Respublikası İqtisadiyyat Nazirliyində Naxçıvan Dövlət Universitetinin "İqtisadiyyat" ixtisası üzrə qiyabi şöbəsinin V kurs tələbələri istehsalat təcrübəsinə cəlb olunublar.

Təcrübə müddətində tələbələrə Nazirliyin müxtəlif struktur bölmələrinin işi ilə yaxından tanışlıq imkanı yaradılır, iqtisadiyyatın ayrı-ayrı sahələrini əhatə edən mövzular barədə məlumat verilir. 

Oktyabrın 10-da Nazirlər Kabinetində “Naxçıvan Muxtar Respublikasının sosial-iqtisadi inkişafına dair 2023-2027 -ci illər üçün Dövlət Proqramı” ilə bağlı iclas keçirilib. Dövlət Proqramında nəzərdə tutulmuş işlər üzrə əsas icraçı orqanların rəhbərlərinin müavinlərindən ibarət məsul şəxslərin iştirak etdikləri iclasda Proqramın icra vəziyyətinə dair məsələlər müzakirə edilib.

11-14 oktyabrda Türkiyənin İstanbul şəhərində yerləşən TÜYAP Sərgi Mərkəzində keçiriləcək “28-ci Avrasiya Beynəlxalq Paketləmə Sənayesi Sərgisi”ndə naxçıvanlı sahibkarlar da iştirak edəcək.

Naxçıvan Muxtar Respublikasında fəaliyyət göstərən sahibkarlıq subyektlərindən “Badamlı Mineral Sular” MMC, “Ləzzər Biskvit və Şokolad Fabrikli” MMC, “Ləzzət Broyler” MMC, Babək “Sirab” ASC-nin nümayəndələri sərgidə müxtəlif çeşiddə qablaşdırma avadanlıqları ilə tanış olacaqlar. Naxçıvanlı sahibkarlar əməkdaşlıq edə biləcək şirkətlərlə görüşlər keçirəcək və perspektivli əməkdaşlıq imkanları barədə müzakirələr aparacaqlar.

Muxtar respublikanın rayonlarında fəaliyyət göstərən sahibkarları maliyyə resurslarına çıxış imkanları, bu sahədə mövcud olan dövlət dəstəyi mexanizmləri – güzəştli kreditlər barədə məlumatlandırmaq üçün maarifləndirmə tədbirlərinə başlanılıb.

 Naxçıvan Muxtar Respublikasının İqtisadiyyat Nazirliyinin təşkilatçılığı ilə  təşkil olunan növbəti belə tədbir  oktyabrın 12-də Ordubad rayonunda təşkil olunacaq. Tədbirdə İqtisadiyyat Nazirliyinin, Sahibkarlığın İnkişafı Fondunun, Ordubad rayonu İcra Hakimiyyətinin, Aqrarkredit QSC-nin Naxçıvan filialının nümayəndələri iştirak edəcək.

  Naxçıvan Muxtar Respublikasında istehsal edilən məhsulların ixrac coğrafiyasının şaxələndirilməsi istiqamətində ilkin olaraq muxtar respublikada istehsal edilən ixrac potensiallı məhsullar müəyyənləşdiriləcək, məhsulların vahid reyestr və rəqəmsal kataloqu hazırlanacaqdır. Eyni zamanda ölkə daxilində və xaricdə keçirilən beynəlxalq  sərgilərdə, müxtəlif ölkələrdə olan Ticarət evlərində Naxçıvanda istehsal edilən məhsulların nümayişi təşkil olunacaq, həmçinin xarici tərəfdaşların tapılması istiqamətində işlər aparılacaqdır. 

Ən çox verilən suallar

1. İnvestisiya təşviqi sənədi nədir?

-Hüquqi şəxslərə və fərdi sahibkarlara Azərbaycan Respublikasının Vergi Məcəlləsində və “Gömrük tarifi haqqında” Qanununda müəyyən edilmiş güzəştləri əldə etməyə əsas verən sənəddir.

Cari ilin 25-28 oktyabr tarixlərində Omanın Muskat şəhərində 1-ci Beynəlxalq Xurma və Bal Sərgisi keçiriləcək. Naxçıvan sahibkarları sözügedən tədbirdə iştirak etməyə dəvət olunur.

 Omanın Milli İnkişaf və İnvestisiya Şirkəti tərəfindən keçiriləcək ilk Beynəlxalq Xurma və Bal Sərgisində yerli və xarici bal istehsalçıları, o cümlədən yerli fermerlər və KOB-ların məhsulları nümayiş olunacaq.

Bu gün Naxçıvan Biznes Mərkəzində Azərbaycan Korporativ İş Adamları Birliyinin sahibkarlarla görüşü təşkil olunub.

Görüşdə əvvəlcə Naxçıvan Muxtar Respublikasının İqtisadiyyat Nazirliyin şöbə müdiri Xudakərim Məmmədov görüşün məqsədi haqqında iştirakçılara məlumat verib.

Sonra Azərbaycan Korperativ İş Adamları Birliyinin icraçı direktoru Vəfadar Babayev təmsil etdiyi qurumun fəaliyyət və məqsədləri haqqında danışıb.

Oktyabrın 7-də Naxçıvan Muxtar Respublikası İqtisadiyyat Nazirliyinin və Kiçik və Orta Biznesin İnkişafı Agentliyinin (KOBİA) birgə təşkilatçılığı ilə Naxçıvan Biznes Mərkəzində Azərbaycan Korporativ İş Adamları Birliyinin (AKİAB) sahibkarlarla görüşü təşkil olunacaq.

Görüşdə Azərbaycan Korporativ İş Adamları Birliyinin icraçı direktoru Vəfadar Babayev təmsil etdiyi qurumun fəaliyyət və məqsədləri haqda ətraflı məlumat verəcək.