Azərbaycan Respublikası Prezidentinin Naxçıvan Muxtar Respublikasına təyin etdiyi səlahiyyətli nümayəndə Real TV-yə müsahibə verib.

Fuad Nəcəfli Naxçıvanla bağlı gələcək planlar haqqında danışıb. 

Azərbaycan Respublikasının Prezidenti cənab İlham Əliyevin Özbəkistana intensiv səfərləri, hər iki ölkənin dövlət başçılarının görüşləri zamanı əldə olunmuş razılıqların icrası istiqamətində aparılan işlərin davamı olaraq, Azərbaycanın İqtisadiyyat Nazirliyi ilə Özbəkistanın İnvestisiya və Xarici Ticarət Nazirliyi arasında Azərbaycan-Özbəkistan İnvestisiya Fondunun yaradılması haqqında Anlaşma Memorandumu imzalanıb. Sənədi iqtisadiyyat naziri Mikayıl Cabbarov və Özbəkistan Respublikası Baş nazirinin müavini, investisiya və xarici ticarət naziri Cəmşid Xocayev imzalayıblar.

İqtisadiyyat Nazirliyinin strukturuna daxil olan və tabeliyindəki qurumların rəhbərləri və əməkdaşlarının iştirakı ilə keçirilən görüşdə nazir Mikayıl Cabbarov həyata keçirilən tədbirlər nəticəsində 2022-ci ildə də Azərbaycan iqtisadiyyatında dinamik inkişafın davam etdiyini vurğulayıb, əldə olunmuş nəticələrdə İqtisadiyyat Nazirliyinin əməkdaşlarının töhfəsini qeyd edib. İnsan kapitalının inkişafının, əməkdaşların bilik və bacarıqlarının artırılmasının önəmini vurğulayan iqtisadiyyat naziri bunun gələcək uğurların əsas şərtlərindən olduğunu və dövlət başçısının müəyyən etdiyi vəzifələrin icrası, qarşıya qoyduğu məqsədlərə nail olunması istiqamətində Nazirliyin hədəflərini diqqətə çatdırıb.

NUHÇIXAN İnformasiya Agentliyi xəbər verir ki, bu gündən Naxçıvan şəhərinin Xətai küçəsindəki mərkəzi bazarda bayram yarmarkasına start verilib. Təsərrüfatçılar heç bir rüsum ödəmədən yetişdirdiyi bol məhsulu rahat şəkildə satır, alıcılar isə keyfiyyətli yerli məhsulları daha ucuz əldə edirlər. 

Dekabrın 23-də Azərbaycan Respublikası Prezidentinin Administrasiyasının rəhbəri Samir Nuriyev Naxçıvan Muxtar Respublikasında Azərbaycan Prezidentinin səlahiyyətli nümayəndəsi Fuad Nəcəflini muxtar respublikanın ictimaiyyətinə təqdim edib.Tədbirdən əvvəl Naxçıvan şəhərində Ümummilli Lider Heydər Əliyevin abidəsi ziyarət edilib, önünə gül dəstələri qoyulub.

Naxçıvan Muxtar Respublikası İqtisadiyyat Nazirliyindən NUHÇIXAN İnformasiya Agentliyinə verilən məlumata görə, Yeni il ərəfəsində - dekabr ayının 24-dən 30-dək Naxçıvan şəhəri Xətai küçəsində yerləşən Mərkəzi Bazarda bayram yarmarkası təşkil olunacaq.

  Ölkəmizdə, eləcə də onun ayrılmaz hissəsi olan muxtar respublikada aqrar sahənin inkişafı, bu sahədə dönüş yaradılması ümummilli lider Heydər Əliyevin adı ilə bağlıdır. Bu istiqamətdə mühüm qərarlar qəbul edilmiş, Azərbaycanda torpaq islahatına ilk dəfə Naxçıvandan başlanılmış, aqrar münasibətlər formalaşmışdır. Bu gün ölkə başçısı tərəfindən kənd təsərrüfatının inkişafı diqqətdə saxlanılır, ərzaq təhlükəsizliyinin təmin olunması istiqamətində ardıcıl tədbirlər görülür, mühüm Dövlət proqramları qəbul edilir. 

 Naxçıvan Muxtar Respublikasının ən böyük bölgəsi olan Şərur rayonunda ərzaq məhsullarına olan tələbatın yerli istehsal hesabına ödənilməsi istiqamətində görülən tədbirlər davam etdirilir. Dövlət proqramlarının uğurlu icrası və həyata keçirilən tədbirlər nəticəsində inkişaf təmin olunub, daxili bazarlarda məhsul bolluğu yaranıb. Məhsul istehsalçılarının müasir kənd təsərrüfatı maşın və mexanizmləri ilə təchizatı diqqət mərkəzində saxlanılıb. Bütün bunlar aqrar sahənin inkişafına öz müsbət təsirini göstərməkdədir.

Naxçıvan Universitetinin İqtisadiyyat Nazirliyinə hamiliyə verilmiş tələbələri ilə növbəti görüş keçirilib. Görüşdə İqtisadiyyat Nazirliyinin “Sahibkarlığın inkişafı”şöbəsinin müdiri Xudakərim Məmmədov və “İnvestisiyaların təşviqi və ixraca dəstək” şöbəsinin müdiri Orxan Abdinov çıxış ediblər.