Azərbaycan Respublikası Dövlət Neft Fondunun (ARDNF) bu ilin əvvəlindən iyulun 1-dək Xəzərin Azərbaycan sektorundakı “Azəri-Çıraq-Günəşli” (AÇG) neft-qaz yataqları blokunun işlənməsi layihəsinin həyata keçirilməsi çərçivəsində gəlirləri 2 milyard 206 milyon ABŞ dolları təşkil edib. 

Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla bu ilin yanvar-may aylarında Azərbaycanın xarici ticarət dövriyyəsi 9 milyard 852,5 milyon dollar, o cümlədən ixracın dəyəri 5 milyard 687,4 milyon dollar, idxalın dəyəri 4 milyard 165,1 milyon dollar təşkil edib, nəticədə 1 milyard 522,3 milyon dollarlıq müsbət ticarət saldosu yaranıb.

Cari ilin yanvar-may aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 18,8 milyon ton, yük dövriyyəsi isə 4 milyard 179,1 milyon ton-kilometr olub.

Azərbaycanın Rusiya Federasiyasındakı Ticarət Nümayəndəliyinin Biznes Klubunun təşəbbüsü ilə Rusiya bazarında Azərbaycan məhsullarının təşviqi ilə bağlı onlayn müzakirələr keçirilib. Müzakirələrdə Azərbaycanın Rusiya Federasiyasındakı Ticarət Nümayəndəliyinin, Azərbaycanda İxracın və İnvestisiyaların Təşviqi Fondunun (AZPROMO) təmsilçiləri və iş adamları iştirakı edib.

Muxtar respublika əhalisinin ərzaq məhsullarına olan tələbatının yerli, ekoloji cəhətdən təmiz kənd təsərrüfatı məhsulları ilə təmin olunması, süni qiymət artımının qarşısının alınması, istehsalçıların öz məhsullarını birbaşa istehlakçılara çatdırması məqsədilə hər həftənin şənbə və bazar günləri Naxçıvan şəhəri Xətai küçəsində yerləşən Mərkəzi Bazarda mütəmadi olaraq satış yarmarkaları təşkil olunur.

Muxtar respublika əhalisinin payız-qış mövsümündə meyvə və tərəvəz məhsullarına olan təlabatının dolğun şəkildə ödənilməsi məqsədilə fermerlər tərəfindən yığılan  katrof məhsulunun soyuducu anbarlara tədarükünə başlanılıb.

Muxtar respublikada son illər həyata keçirilən uğurlu iqtisadi siyasət sənayeləşmə prosesini daha da sürətləndirib, ümumidaxili məhsul istehsalı artıb, rəqabətədavamlı və ixracyönlü məhsullar istehsal edən yeni müəssisələr yaradılıb. Cari ilin 6 ayı ərzində makroiqtisadi göstəricilər yüksəlib.

Azərbaycan təbii qazını Avropaya çatdıracaq TAP boru kəməri layihəsi üzrə işlərin - mühəndis, təchizat və tikinti işləri də daxil olmaqla 96,4 faizi yekunlaşıb. Bu barədə boru kəmərinin operatoru olan TAP AG şirkəti məlumat yayıb. Bildirilir ki, hazırda boru kəmərinin inşasının son mərhələsidir. TAP-ın inşası üzrə hər gün yüzlərlə metr ərazidə torpaq örtüyü bərpa olunur.

Cari ilin yanvar-may aylarında ölkədən 606,5 min ton bitumlu süxurlardan alınmış neft və neft məhsulları - tərkibində neft və ya neft məhsullarının miqdarı 70 kütlə faiz və ya daha çox olan məhsullar ixrac edilib. İxrac edilən məhsulların dəyəri isə 162,9 milyon ABŞ dollarından çox olub.