Naxçıvan Muxtar Respublikasında özəl sektora yaradılan əlverişli şərait güclü sahibkarlıq təbəqəsinin formalaşması ilə nəticələnib. Hər bir sahibkar dövlətin dəstəyini və köməkliyini öz fəaliyyət sahəsində aydın müşahidə edir. Görülən bu işlərin fonunda mövcud şəraitə uyğun olaraq vergiödəyicilərinə güzəştlərin təqdim olunması üçün Vergi Məcəlləsində edilən müəyyən əlavə və dəyişikliklərin tətbiqi muxtar respublikada diqqət mərkəzindədir.

İqtisadiyyat Nazirliyi muxtar respublikada fəaliyyət göstərən kənd təsərrüfatı məhsulları istehsalçılarının nəzərinə çatdırır ki, 15 iyul 2020-ci il tarixdən etibarən tələbatdan artıq istehsal olunan meyvə və tərəvəz məhsulları soyuducu anbarlara aşağıdakı qiymətlərlə qəbul olunacaq.

Qablaşdırma prosesinin məhsulların saxlanması, daşınması, marketinqi sahəsində əvəzsiz rolu vardır, çünki qablaşdırma məmulatı içərisində olan məhsulu qoruyur, anbarda saxlanmasını, daşınmasını və satışını asanlaşdırır, həmçinin müştərini məhsul barədə məlumatlandırır, məhsulun təmiz və təhlükəsiz şəraitdə daha uzun müddət saxlanmasına imkan yaradır.

Azərbaycan neftinin qiyməti bahalaşır. İyulun 3-də Azeri Light” markalı neftin bir barrelinin qiyməti 0,25 dollar artaraq 44 dollar təşkil edib.

Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

Naxçıvan Muxtar Respublikasında yüksək nailiyyətlərin əldə olunduğu sahələrdən biri də sənayedir. Muxtar respublikada həyata keçirilən hərtərəfli iqtisadi inkişaf strategiyasının əsas məqsədlərindən biri də sənaye məhsulları istehsalı ilə davamlı inkişafa, o cümlədən yerli istehsal və əmək potensialından səmərəli istifadə etməklə ixracyönlü hazır məhsul istehsalına nail olmaqdan ibarətdir.

İyulun 2-də Şərur şəhərində Təqaüdçülər Klubu və “Naxçıvanbak” Açıq Səhmdar Cəmiyyətinin Şərur rayon filialının binası istifadəyə verilib, yeni yaradılan innovativ dərnəklərin təqdimatı olub.

Naxçıvan Muxtar Respublikası Ali Məclisinin Sədri Vasif Talıbov açılış tədbirlərində iştirak edib.

Naxçıvan Muxtar Respublikası özünün təbii-mineral sərvətləri, turizm ehtiyatları və emal sənayesi məhsulları ilə yaxşı tanınır. Bundan əlavə, son illərdə muxtar respublikada özəl bölmənin inkişafına dövlət dəstəyinin daha da gücləndirilməsi yerli məhsulların istehsalını artırmış, ixrac imkanlarını genişləndirmişdir. 

Sahibkarların nəzərinə!

Azərbayca Sahibkarlar Konfederasiyası, MOSPROM və “Biznes Qeometriya” İşgüzar Əməkdaşlıq Mərkəzinin təşkilatçılığı ilə 13-17 iyul 2020-ci il tarixlərində qida sektorunda (istehsal və satış) ixtisaslaşmış Azərbaycan-Rusiya şirkətlərinin nümayəndələri arasında ikitərəfli onlayn görüşlər  keçiriləcək.  

Sahibkarların nəzərinə!

Azərbaycanda İxracın və İnvestisiyaların Təşviqi Fondunun (AZPROMO) təşkilatmılığı ilə 14 iyul 2020-ci il tarixində video-konfrans formatında “Azərbaycan-Gürcüstan Biznes Forum”u keçiriləcəkdir. Forumun əsas məqsədi iki ölkə arasında iqtisadi əməkdaşlığın genişləndirilməsi perspektivləri, ticarət dövriyyəsinin artırılması imkanları və   yeni əməkdaşlıq istiqamətlərinin müzakirəsidir.