Naxçıvan Biznes Mərkəzində pandemiya dövründə Naxçıvan Muxtar Respublikasında yaşayan qadınlara iqtisadi dəstək göstərilməsi ilə bağlı tədbir keçirilib. Azərbaycan Mikromaliyyə Assosiasiyası tərəfindən icra olunan və Avropa İttifaqının maliyyələşdirdiyi, BMT-nin İnkişaf Proqramının qismən maliyyələşdirdiyi və icra etdiyi “Genderə həssas dayanıqlı inkişaf məqsədlərinin həyata keçirilməsində vətəndaş cəmiyyətinin rolunun artırılması” adlı genişmiqyaslı proqram çərçivəsində “Qadınların dayanıqlı inkişaf üçün səlahiyyətləndirilməsi” layihəsinin davamı olaraq keçirilib.

Mövcud şəraitə uyğun olaraq vergiödəyicilərinə güzəştlərin təqdim olunması üçün  Vergi Məcəlləsində müəyyən əlavə və dəyişikliklər edilib. Pandemiyanın təsiri nəticəsində iqtisadi şəraitin dəyişməsi ilə əlaqədar tətbiq edilən müvəqqəti vergi rejiminə uyğun olaraq  bu təsirə məruz qalan fəaliyyət sahələri üzrə sadələşdirilmiş verginin ödəyicisi olan ictimai iaşə və sərnişin daşımaları fəaliyyəti həyata keçirən vergiödəyiciləri üzrə 50 faiz, pandemiyanın təsirinə məruz qalan fəaliyyət sahələri üzrə mənfəət (gəlir) vergisi rejimində fəaliyyət göstərən vergiödəyiciləri üzrə əldə edilən mənfəətin (gəlirin) 75 faizi miqdarında vergi güzəştləri verilib.

İyunun sonunda TANAP-la Türkiyəyə göndərilən Azərbaycan təbii qazının həcmi 6 milyard kubmetrə çatacaq.

Bu barədə TANAP şirkətinin baş direktoru Saltuk Düzyol deyib. O bildirib ki, 2018-ci il iyunun 30-dan TANAP-la Türkiyəyə kommersiya qazının nəqlinə başlanılıb və birinci il 2 milyard kubmetr qaz tədarük edilib. Ticari əməliyyatların ikinci ili cari il iyunun 30-da bitəcək və həmin tarixə TANAP-la nəql edilən Azərbaycan qazının həcmi 6 milyard kubmetrə çatacaq.

Ümummilli liderimiz Heydər Əliyevin xalqın təkidli tələbi ilə Azərbaycanda yenidən siyasi hakimiyyətə qayıdışından sonra iqtisadi inkişafın prioritet istiqaməti kimi enerji təhlükəsizliyinin təmin olunması sahəsində kompleks tədbirlər görülmüşdür. Qəbul olunmuş dövlət proqramlarının uğurlu icrası Naxçıvan Muxtar Respublikasında elektroenergetika infrastrukturunun müasir tələblər səviyyəsində qurulmasına səbəb olmuş, enerji təhlükəsizliyi tam təmin olunmuşdur.

Azərbaycanın “Caspian Event Organisers” şirkətinin və Özbəkistanın İnvestisiya və Xarici Ticarət Nazirliyi yanında İxracın Təşviqi Agentliyinin birgə təşkilatçılığı ilə “Made in Uzbekistan” onlayn biznes forumu öz işinə başlayıb. Biznes forumun ilk günündə hər iki ölkənin dövlət qurumlarının nümayəndələri, müxtəlif sahələrdə fəaliyyət göstərən sahibkarlar iştirak ediblər.

Etibarlı ərzaq təminatı iqtisadi sabitliyin və sosial dayanıqlılığın əsas şərtidir. Etibarlı ərzaq təminatının əsasında isə qida təhlükəsizliyinin təmin edilməsi durur. Ərzaq məhsullarının keyfiyyətinin yüksəldilməsi və ixrac potensialının artırılması sahəsində əldə olunan nailiyyətlər ərzaq təhlükəsizliyinin təminatı baxımından da mühüm əhəmiyyət kəsb edir.

Muxtar respublikada ərzaq məhsullarının keyfiyyətinə nəzarət daim diqqət mərkəzində saxlanılır və tələbatın tam ödənilməsi üçün davamlı olaraq müvafiq tədbirlər həyata keçirilir.

Türkiyədə Naxçıvana qaz kəmərinin çəkilməsi ilə bağlı tender elan olunacaq. Tenderdə iştirak üçün müraciətlər iyunun 30-a qədər qəbul olunacaq.

Boru kəmərinin ümumi uzunluğu 82 kilometrdir. Tenderin qalibi 270 gün ərzində tikintini yekunlaşdırmalıdır. Qeyd edək ki, hazırda Naxçıvana qaz İrandan svop əməliyyatı ilə tədarük olunur.

Bu gün istehlakçıları maraqlandıran əsas suallardan biri - qanunvericiliklə alınan malların geri qaytarılması və dəyişdirilməsi hallarının qanunvericiliklə necə həyata keçirilməsidir. Bu barədə Naxçıvan Muxtar Respublikası İqtisadiyyat Nazirliyinin şöbə müdiri Mircavid Tağızadə Naxçıvan Dövlət Televiziyasının "Xəbərlər" proqramına müsahibə vermişdir.

Ötən ilin aprel ayından “Cahan Holdinq” Kommersiya Şirkətləri İttifaqının tərkibinə daxil edilən Naxçıvan Avtomobil Zavodunda artıq yeni modeldə avtomobillərin istehsalına başlanılıb. Çinin “FAW İndustrial Group” avtomobil istehsalçısı ilə bağlanmış müqaviləyə əsasən, hazırda zavodda ilkin olaraq 3 ədəd “FAW T-33” krossover və 6 ədəd “FAW T-80” yük avtomobillərinin istehsalına başlanılıb. Yaxın gələcəkdə isə əlavə olaraq “FAW T-33” krossover, “Lifan X-70” krossover və “Lifan L-7” minivan tipli avtomobillərin yığılması həyata keçiriləcək. Növbəti mərhələdə isə 58 ədəd “FAW” modellərinin istehsalı nəzərdə tutulub.