Martın 19-da Naxçıvan Muxtar RespublikasındaAzərbaycan Respublikası Prezidentinin səlahiyyətli nümayəndəsi Fuad Nəcəfli, dövlət və hökumət nümayəndələri, Türkiyə Respublikasının Naxçıvandakı Baş konsulu Asip Kaya Novruz bayramı münasibətilə Naxçıvan şəhərindəki “Əcəmi seyrəngahı” Mədəniyyət və İstirahət Kompleksində təşkil edilən “Novruz Şəhərciyi”ndə iştirak ediblər.

Əvvəlcə “Əcəmi seyrəngahı” Mədəniyyət və İstirahət Kompleksində xalqımızın Ümummilli Lideri Heydər Əliyevin büstü önünə gül dəstələri qoyulub, xatirəsinə ehtiram ifadə edilib.

19-26 mart günləri arasında Naxçıvanda yerləşən “Əcəmi Seyrəngahı” Mədəniyyət və İstirahət Kompleksində “Novruz şəhərciyi” təşkil olunacaq. Proqram hər gün saat 10:00-22:00 arası keçiriləcək.“Naxçıvanda ilk dəfə təşkil olunacaq “Novruz şəhərciyi”ndə müxtəlif tamaşalar, rəqslər, oyunlar nümayiş olunacaq. Həmçinin milli təamlar, Naxçıvan istehsalı olan məhsullar və s. təqdim olunacaq”.

Hər il martın 15-i Dünya İstehlakçı Hüquqlarının Müdafiəsi Günü kimi qeyd edilir. İnsan hüquqları spektrində əsas hüquqlardan biri istehlakçıların hüquqlarıdır. Onların hüquqlarının qorunması dünyada ən aktual məsələlərdən biri hesab edilir. Hər bir istehlakçı öz hüquqlarını bilməli və tələb etməlidir. Məhsulların istehsalı və satışı, xidmətlərin göstərilməsi sahələrində keyfiyyətlə bağlı problemlər hər bir ölkəni narahat edir. Bu problemlərdən ən çox əziyyət çəkən isə istehlakçılardır.

Bu gündən Naxçıvan şəhərindəki Xətai küçəsində yerləşən Mərkəzi Bazarda Novruz yarmarkası fəaliyyətə başlayıb. Novruz yarmarkasına muxtar respublikamızın ayrı-ayrı bölgələrindən fermerlərin, ailə təsərrüfatçılarının çıxardıqları məhsullar həm çeşid müxtəlifliyi, həm də keyfiyyəti ilə seçilir.