Muxtar respublikada iqtisadiyyatın bütün sahələrində müşahidə olunan inkişaf meyilləri istehlakçıların hüquqlarının qorunması sahəsində də səylərin artırılmasını tələb edir. Ona görə də bu sahədə mühüm addımlar atılır, daxili bazarın keyfiyyətli məhsullarla təminatına ciddi diqqət yetirilir.

Dövlət satınalmalarında iştirak edən tərəflərin maarifləndirilməsi və məlumatlandırılması məqsədilə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Naxçıvan Muxtar Respublikası İqtisadiyyat Nazirliyi seminar keçirib.

Tədbiri giriş sözü ilə Naxçıvan Muxtar Respublikasının İqtisadiyyat Nazirliyinin Aparat rəhbəri Aqil Qəribov açaraq dövlət-özəl əməkdaşlığın bir nümunəsi kim belə görüşlərin əhəmiyyətini vurğulayıb, bu sahədə dövlət tənzimləməsini həyata keçirən qurumlarla əməkdaşlığın iqtisadiyyatının inkişafına töhfə verəcəyi qeyd edib.

Naxçıvan Muxtar Respublikası İqtisadiyyat Nazirliyi muxtar respublika dövlət satınalmalarının şəffaflaşdırılması, satınalmaların sahibkarlıq subyektləri üçün əlçatanlığının daha da artırılması, sağlam rəqabət mühitinin yaradılması üzrə tədbirlərini davam etdirir, bu istiqamətlərdə aidiyyəti qurumlarla əməkdaşlığını genişləndirir.

Naxçıvan Muxtar Respublikası İqtisadiyyat Nazirliyində Naxçıvan Dövlət Universitetinin “İqtisadiyyat” ixtisası üzrə təhsil alan IV kurs tələbələri istehsalat təcrübəsinə başlayıb.