Kiçik və Orta Biznesin İnkişafı Agentliyinin (KOBİA) nümayəndə heyəti Naxçıvan Muxtar Respublikasında səfərdədir. Səfərin məqsədi KOBİA-nın fəaliyyət istiqamətləri, mikro, kiçik və orta sahibkarlıq subyektlərinə göstərdiyi xidmətlər barədə Naxçıvan sahibkarlarını məlumatlandırmaq, muxtar respublikanın müvafiq qurumları ilə KOB subyektlərinin inkişafına dəstəkyönümlü təklifləri müzakirə etməkdir.

Qədim yurdumuzun hüsnünə xüsusi gözəllik verən yaz fəsli qədəmlərini yavaş-yavaş torpağa qoyduqca  elimiz gözəlləşir, çiçək açır. Hara baxırsan, haraya üz tutursan, bağında, bostanında yaz qayğılarını çəkən insanlara rast gəlirsən. İlin bu vədəsində Şərur rayonu, Danyeri kənd sakini, ailə təsərrüfatı sahibi Yaqub Həsənovun da işi çoxdur, o, bağları səliqəyə salmaqla məşğuldur.

Bu gündən Naxçıvan şəhərindəki Mərkəzi bazarda Novruz bayramı münasibətilə ənənəvi bayram yarmarkasına başlanılıb. Bayram yarmarkasına muxtar respublikada fəaliyyət göstərən 25 istehsal müəssisəsi və 173 ailə təsərrüfatçısı tərəfindən 1130 çeşiddə  məhsul çıxarılıb.

NUHÇIXAN İnformasiya Agentliyi xəbər verir ki, Universitetin “İqtisadiyyat və idarəetmə” fakültəsində keçirilən vebinar “İdeyadan başlanğıca”- startap layihələrinin formalaşdırılması mövzusunda  olub. Tədbirdə fakültə  dekanı, iqtisad üzrə fəlsəfə doktoru, dosent Əşrəf Ələkbərov startap layihələrinin əhəmiyyətindən və tələbələrin bu layihələrdə fəal iştirakından danışıb.