Cari ilin iyun ayında Türkiyə Respublikasının Şərqi Anadolu İxracatçılar Birliyinin nümayəndə heyətinin muxtar respublikaya səfəri zamanı əldə olunmuş razılığa əsasən Naxçıvan Muxtar Respublikasının iqtisadiyyat naziri Tapdıq Əliyevin rəhbərlik etdiyi nümayəndə heyəti 4-6 sentyabr 2022-ci il tarixdə Türkiyənin Ərzurum şəhərində ikigünlük səfərdə olub.
    Səfər çərçivəsində nümayəndə heyəti  əvvəlcə İqdır şəhərində yerləşən Naxçıvan Ticarət Evini ziyarət edib. Ticarət Evi ilə tanışlıq zamanı burada sərgilənən məhsullar haqqında məlumat verilib, bölgənin ixrac imkanlarından bəhs edilib.

Sentyabrın 7-də Naxçıvan Muxtar Respublikasında 2022-2023-cü illərin payız-qış mövsümünə hazırlıq və qarşıda duran vəzifələr barədə müşavirə keçirilmişdir.

Naxçıvan Muxtar Respublikası Ali Məclisinin Sədri Vasif Talıbov müşavirəni açaraq demişdir ki, enerji, ərzaq təhlükəsizliyi, sabitliyin qorunması vacib məsələlərdir. Ona görə də bugünkü müşavirədə veriləcək tapşırıqlar yerlərdə müzakirə edilməli və qarşıya qoyulan vəzifələrin icrasına nəzarət olunmalıdır.

Babək rayonunun təbii iqlim şəraiti üzümçülüyün inkişafı üçün olduqca əlverişlidir. Buna görə də bu torpaqda keçmişdən müxtəlif sortlarda üzümlər yetişdirilib. Burada tezyetişən, uzun müddət saxlanmağa davamlı, ən yüksək şəkər toplayan, ən çox məhsul verən üzüm sortları becərilib və bu gün də becərilməkdədir. 

Naxçıvan Muxtar Respublikası İqtisadiyyat Nazirliyi, Təhsil Nazirliyi və yerli icra hakimiyyəti orqanlarının birgə təşkilatçılığı ilə məktəbli yarmarkaları keçirilir. Sentyabrın 15-dək davam edəcək yarmarkalar Naxçıvan şəhərinin Xətai küçəsindəki Mərkəzi bazarda və muxtar respublikanın rayon mərkəzlərində təşkil olunmuşdur.