Azərbaycan Respublikası Hökuməti və Litva Respublikası Hökuməti arasında İkitərəfli Əməkdaşlıq üzrə Hökumətlərarası Komissiyasının 6-cı iclası keçirilib
İyulun 10-da Azərbaycan Respublikası Hökuməti və Litva Respublikası Hökuməti arasında İkitərəfli Əməkdaşlıq üzrə Hökumətlərarası Komissiyasının videokonfrans formatında 6-cı iclası keçirilib. Hər iki tərəfdən müvafiq dövlət qurumlarının nümayəndələrinin iştirak etdiyi iclasda Hökumətlərarası Komissiyanın həmsədri, İqtisadiyyat naziri Mikayıl Cabbarov Azərbaycanın Litva ilə dostluq və tərəfdaşlıq əlaqələrini yüksək qiymətləndirdiyini qeyd edib, dövlət başçılarının siyasi iradəsinin, ölkələrimizin malik olduğu böyük iqtisadi potensialın əməkdaşlığın uğurlu inkişafı üçün əlverişli şərait yaratdığını vurğulayıb.
Naxçıvanda yeni Günəş Elektrik Stansiyası istifadəyə verilib
İyulun 8-də Kəngərli rayonunda 3 meqavat gücündə yeni Günəş Elektrik Stansiyası istifadəyə verilib.
Naxçıvan Muxtar Respublikası Ali Məclisinin Sədri Vasif Talıbov bu münasibətlə keçirilən tədbirdə iştirak edib.
Azexport PAŞA Bankla “İxracını tamamla” adlı onlayn seminar keçirəcək
Azərbaycan Respublikası İqtisadi İslahatların Təhlili və Kommunikasiya Mərkəzinin Azexport.az portalı və PAŞA Bankın birgə təşkilatçılığı ilə “Made in Azerbaijan” brendi adı altında məhsul ixrac edən sahibkarların maliyyə alətlərinə əlçatanlığının stimullaşdırılması məqsədi ilə “İxracını tamamla” adlı seminar keçiriləcək.
Bu il muxtar respublikada 352 yeni iş yeri yaradılıb
Muxtar Respublikada son illərdə həyata keçirilən uğurlu sosial-iqtisadi inkişaf strategiyası qarşıda duran vəzifələrin həllinə real imkanlar yaradır və iqtisadiyyatın dinamik inkişafını təmin edir. Qəbul edilmiş dövlət proqramlarının uğurlu icrası, yerli xammala əsaslanan, rəqabətədavamlı və ixracyönümlü yeni məhsullar istehsal edən müəssisələrin fəaliyyətə başlaması və digər mühüm tədbirlər ümumi inkişafı daha da sürətləndirir.
Muxtar respublikada məhsulların keyfiyyət göstəriciləri tələblərə uyğundur
Muxtar respublikada yerli istehsal və xaricdən idxal olunan ərzaq məhsullarının keyfiyyət göstəriciləri mütəmadi olaraq nəzarətdə saxlanılır. İqtisadiyyat Nazirliyinin nəzdində fəaliyyət göstərən “İstehlak Mallarının Ekspertizası Mərkəzi” Məhdud Məsuliyyətli Cəmiyyətinin laboratoriyasında ərzaq məhsullarının tərkibinin analiz olunması üçün hər cür şərait yaradılıb. Bu ilin 6 ayı ərzində 671 yerli, 147 idxal məhsulu analiz edilib. Məhsulların keyfiyyət göstəriciləri tələblərə uyğundur.