Ümummilli liderimiz Heydər Əliyevin ölkəmizə hər iki rəhbərliyi dövründə həyata keçirdiyi tədbirlər Azərbaycanın kompleks inkişafına xidmət edir. Hazırda muxtar respublikada iqtisadiyyatın bütün sahələrində qazanılan nailiyyətlər, xüsusilə enerji təhlükəsizliyinin təmin olunması ulu öndərin uzaqgörən siyasətinin bəhrələridir. Azərbaycan Respublikasının Prezidenti cənab İlham Əliyevin də dediyi kimi: “Naxçıvanın enerji təminatı məsələləri ön plandadır. Biz hamımız yaxşı xatırlayırıq ki, vaxtilə Naxçıvanı elektrik enerjisi ilə təmin etmək üçün çox böyük problemlər mövcud idi. Ulu öndərin rəhbərliyi ilə Naxçıvanın enerji təhlükəsizliyi məsələlərinin həllinə start verildi və bu gün biz bu siyasəti uğurla davam etdiririk”.

“Sənaye ili” – 2022

    2022-ci ilin “Sənaye ili” elan olunması muxtar respublikamızda fəaliyyət göstərən sənaye müəssisələrinin fəaliyyətini daha da aktuallaşdırıb. Ötən il 1 milyard 655 min 700 manatlıq sənaye məhsullarının istehsal olunduğu muxtar respublikada elə müəssisələr var ki, istehsal profillərinə görə təkcə regionumuzda deyil, ümumilikdə, Cənubi Qafqazda seçilir. Haqqında bəhs edəcəyimiz “Karbon Qazı Zavodu” Məhdud Məsuliyyətli Cəmiyyəti də məhz belə müəssisələrdəndir. Təməli 1985-ci ildə qoyulmuş zavodun fəaliyyətində bu gün hansı yenilikləri müşahidə edirik və burada istehsal prosesləri necə aparılır? Bu və ya digər suallarımıza müəssisənin direktoru Elman Seyidovla söhbətimizdə aydınlıq gətirdik.

Naxçıvan Muxtar Respublikası İqtisadiyyat Nazirliyində istehsalat təcrübəsi keçən Naxçıvan Dövlət Universitetinin “İqtisadiyyat” fakultəsi üzrə IV kurs tələbələri  "Cahan Holdinq" Kommersiya Şirkətlər İttifaqının Plastik Məmulatları Zavodunun  istehsal prosesi ilə tanış olublar.

Mübariz Şirəliyev: ailə təsərrüfatlarının sayının artması bu sahəyə göstərilən dövlət qayğısı ilə bağlıdır

    Ailə təsərrüfatları modeli bu gün muxtar respublikada əhali məşğulluğunun ən geniş yayılmış formalarından biridir. Son illərdə bu cür  təsərrüfatların sayının artması onlar arasında koordinasiyanı da zəruri edir. 2019-cu ildə yaradılmış Ailə Təsərrüfatları İctimai Birliyi də məhz buna əsaslanır. Bəs bu gün adıçəkilən birlik ailə təsərrüfatları arasında hansı funksiyaları həyata keçirir?Müsahibimiz Ailə Təsərrüfatları İctimai Birliyinin sədri Mübariz Şirəliyevdir:

Prezident İlham Əliyev aprelin 25-də Azərbaycan Respublikasında sahibkarlıq fəaliyyəti sahəsində fərqlənən şəxslərin təltif edilməsi haqqında Sərəncam imzalayıb.

Naxçıvan Muxtar Respublikası İqtisadiyyat Nazirliyində istehsalat təcrübəsi keçən “Naxçıvan” Universitetinin “İqtisadiyyat” ixtisası üzrə III kurs tələbələrinin  Naxçıvan Biznes Mərkəziilə əyani şəkildə tanışlığı təşkil olunub.

25 aprel Sahibkarlar Günü münasibətilə Naxçıvan Biznes Mərkəzində İqtisadiyyat Nazirliyinin təşkilatçılığı ilə tədbir keçirilib. Tədbirdə aidiyyəti dövlət qurumları, eləcə də iqtisadiyyatın müxtəlif sahələrində fəaliyyət göstərən 47 sahibkar iştirak edib. Tədbirdə iqtisadiyyat naziri Tapdıq Əliyev çıxış edərək muxtar respublikada innovativ əsaslı iqtisadiyyatın inkişafının təmin edilməsi, özəl sektorun stimullaşdırılması, yüksək əlavə dəyər yaradan və ixraca yönələn məhsul istehsalının genişləndirilməsi istiqamətində görülən işlərdən danışıb.

Bu gün ölkə iqtisadiyyatında sahibkarların rolunun artırılmasına xüsusi diqqət yetirilir. Prezident İlham Əliyevin "Azərbaycan Respublikasında Sahibkarlar Günü"nün təsis edilməsi haqqında 2016-cı il 21 aprel tarixli Sərəncamına əsasən, aprelin 25-i Azərbaycanda "Sahibkarlar Günü" kimi qeyd edilir. "Sahibkarlar Günü"nün təsis olunması ölkənin sosial-iqtisadi inkişafında, məşğulluğun təmin olunmasında sahibkarların fəaliyyətinə verilən yüksək qiymətlə bərabər, sahibkarlığın, xüsusən də qeyri-neft sektorunun inkişafına göstərilən diqqət və qayğının bariz nümunəsidir.

Sənaye istehsalı iqtisadi tərəqqinin əsas aparıcı qüvvəsi hesab edildiyi üçün muxtar respublikada bu sahənin inkişafı istiqamətində ardıcıl və məqsədyönlü iş aparılır. Sənaye sahəsində rəqabətqabiliyyətli və ixracyönümlü məhsul istehsalının təşviqi, innovasiyalara əsaslanan yeni müəssisələrin qurulması və uğurların artırılması üçün bildiyiniz kimi, 2022-ci il Naxçıvan Muxtar Respublikasında “Sənaye ili” elan edilmişdir.